無綫劇集《深宮計》喺今晚啱啱播映完第10集，劇情講到本來因為救定欣而得罪陳煒嘅劉心悠，佢俾飾演婢女嘅李美慧毒打，搞到遍體鱗傷，好彩有好姊妹黃心穎同佢去搵定欣求情，之後定欣略施小計而救出心悠。

之後定欣喺馬國明嘅保護下，返咗鄉下祭祖，點知中途遇上山賊，佢哋兩個去咗破廟避難，馬浚偉同蕭正楠去咗救佢哋，本來佢哋去咗一間行宮暫避，點知又遇到刺客襲擊，好彩最後成功逃險。

去到下一個禮拜，劇情會鬥到出晒面，好似馬浚偉知道成件事係陳煒策劃，於是去咗搵李龍基，實行諗住三口六面講清楚，點知陳煒搶先走咗城告狀，又話要出宮，結果李龍基梗係勸佢哋一人少句。

最後定欣出招，專登等啲下人經過嘅時候，先係去挑釁陳煒，等人誤以為定欣俾佢打，之後再自導自演一幕遭禁錮獨打，之後扮成好委屈咁同李龍基哭訴，本來陳煒諗住扮可憐再同李龍基話要出宮避爭，初初以為一定會被極力挽留，點知李龍基一句話准奏，搞到陳煒勁愕然！

呢一次係陳煒第一次出宮，不過話到明要鬥到死，所以佢好快又入返宮，同馬浚偉繼續鬥！但係鬥餐死都要搵嘢調劑，今集都會講吓心悠同蕭正楠原來好耐之前已經識，之後心穎繼續昅馬明沖涼，但係點樣都係陳煒搶晒fo，佢眼神厲一厲，真係好鬼心寒！

精選娛聞，喺晒《娛果》
http://fb.com/appledailyent