當年今日

【馮仁昭四圍超】徐若瑄陪父走最後一程

蘋果日報 2018/01/03 00:00

馮仁昭四圍超徐若瑄病逝父親

台灣女歌手徐若瑄(Vivian)係圈中出名嘅孝順女,雖然小時候父母已經離婚,但佢同爸爸嘅感情一直唔錯,不過踏入2018年卻傳來一個不幸嘅消息,徐爸爸喺元旦清晨於台大醫院病逝,享年64歲。
有報道話09年徐若瑄為咗醫治肝硬化嘅爸爸,花費接近千萬新台幣(約268萬港元)安排爸爸到內地換肝,不過因為徐爸爸一直食藥控制排斥反應,無奈因為藥物造成抵抗力唔好,加上患感冒引起併發症,最後延至前日凌晨不治。徐若瑄經理人前日證實徐爸爸嘅死訊,佢話:「是今天凌晨走的,Vivian前兩天就回來了,家人都陪在身邊,這幾天先處理後事。」
empty
徐若瑄同爸爸感情唔錯,對於爸爸病逝非常傷心。台灣《蘋果日報》
縮短旅程返台
徐若瑄同老公一家人,呢幾日原本喺北海道過聖誕同新年,但因為徐爸爸感冒引發併發症,所以提前趕返台灣,徐若瑄經理人話:「她爸爸做過換肝手術,一直有吃藥,又要洗腎,身體一直不好,但他們徐家子女都很孝順和關心爸爸,Vivian回台灣也都會去看爸爸、吃飯甚麼的,互動一直很好。」又感嘆指Vivian此時此刻非常傷心。
撰文:馮仁昭
empty
徐若瑄同囝囝縮短北海道嘅旅程,趕返台灣。互聯網圖片