馬年將至，周四國際賽馬組織聯盟公佈了世界馬匹年終排名，馬會CEO應家柏喺網誌話有多達21匹香港馬，名列去年的年終排名榜，此數目平了歷來最高紀錄。以上榜馬匹總數計算，僅次於四個賽馬強國而居於第五位，係歷來香港的最高排名。
講到今屆經典一哩賽時，應家柏話「威爾頓」及「步步友」實力難分高低，但較睇好可於末段締高速的「威爾頓」。而「旗幟鮮明」係佢第三選，認為有力一舉擊退「威爾頓」及「步步友」，但「旗幟鮮明」排檔不利，稍令應家柏擔心。而「信利多」上仗在港初出1400米嫌短，仍得第四名表現不俗，今仗增程200米更為適合，會係經典一哩賽黑馬份子。
董事盃方面，應家柏話「大運財」9檔起步，但憑藉其前速，可望於放頭馬之後取得遮擋。而礙於排檔關係，「精彩日子」及「軍事出擊」早段應會留後，末段俱有力交出強烈追勁及締造快時間，應家柏認為「精彩日子」有機會在此場奪冠。