全球最潮的「時尚婆婆」Iris Apfel，日前來港展開第一次亞洲之旅嘅活動，今日佢就去到中環置地廣場中庭出席活動，活動會展出Iris歷年來的作品同珍藏，就吸引咗好多城中名人來一睹時尚婆婆嘅風采，包括：林作、何倍倩（Anina）、張王幼倫、甘國亮等。

年屆95歲時尚婆婆Iris於六時抵達會場，由工作人員推着輪椅進場，精神飽滿，工作人員將佢推到Backdrop附近，Iris就自行落地企埋Backdrop到影相，仲同在場嘅傳媒揮手打招呼，之後就坐返上輪椅，再由工作人員推入展覽場地。