現年30歲嘅韓國男團2PM成員Jun.K，今年2月涉酒駕後一直停工，上月8號低調入伍，噚日韓媒就指佢身體唔舒服，下顎出現麻痹症狀。不過噚晚佢所屬嘅JYP事務所表示Jun.K只係喺訓練所中感到肩痛，所以先接受咗軍方治療，強調佢好健康，其他方面亦冇異常。

點知今日就有韓媒爆料，指Jun.K喺入伍前約一個月，臉部曾經做整容手術，據報道指Jun.K於服兵役前一個月喺首爾江南一間整容醫院進行咗下巴整容手術，所以入伍後出現下顎麻痹症狀。而Jun.K所屬事務所就話對於佢有冇整容並唔知情。

更多韓流，喺晒《娛果》
http://fb.com/appledailyent