噚日MandyLieu就喺IG講咗段，就疑似暗寸洗米華(周焯華)嘅正印老婆陳慧玲(Heidi)，仲引嚟洗米仔周柏豪留言同Mandy「傾偈」。頗堪玩味嘅係周柏豪即時followMandy個ig，但未知是否因為繼母Heidi出手、喺柏豪嘅IG留言話:「真係大個仔喇！講嘢幾成熟。不過會被黑心者曲解成同『人哋』做咗friend…」周柏豪就冇再followMandy喇。

原以為咁就散場啦，點知原來Heidi唔喺fb出po還擊，改為去阿仔柏豪ig留言。Heidi回覆網民話︰「我有仔有女有家人，又豈可以輕言放手呢，我一直在努力維護和捍衛自己的家庭。」、「這個家是我們一起努力共同建立和經營的，絕不容許任何人去刻意改變或破壞，我們會更團結一致，更愛護彼此。謝謝大家！」

兩個女人除咗喺ig隔空開戰，不容錯過嘅仲有一班死士/疑似「打手」。點解咁講呢？事關喺Mandy嘅ig入面，有好多人留言，有人讚有人鬧，但係留意嘅係，有好多撐或鬧嘅網民ig，都係新開，冇相冇人follow，0post0followers1個following，只係followMandy一個。

呢班疑似「打手」講嘅嘢，好多都出唔到街，粗口滿天，其中一個，直情係連個ig名都唔出得街，佢個名係話Mandy係X，仲話自己係自發性打手，但又好搞笑咁「利申」話自己絕對唔識洗米嫂同洗米仔喎。

又有一個疑似「打手」，係撐Mandy嘅，佢真係好似有過度活躍跡象，係咁留言力撐，仲話其他插Mandy嘅ig用戶都係新開嘅、真係搞笑喇乜乜乜。但其實，呢位笑人嘅Mandyfans，都係屬於「0post0followers1個following」嗰隻……囉。

今日weekend，聽日星期日，休戰唞下啦。