李仕光表示，在警方的拘捕行動期間，若果市民合作，警方會較容易處理。但是若對方不肯離開，警員就只能將對方搬離，「咁點樣搬呢？一定要將人鏈拆開先，呢個屈手動作係基本訓練，喺歐美先進國家都採用……你諗吓，如果一個人要佢離開，我捉住佢隻手，係可以保護被拘捕人士同警員同埋其他人，如果隻手揈來揈去，有機會傷害到警務人員或者自己」。
李仕光續稱，若果只捉着示威者的手臂，他的手部仍然可以揮動，可以打人或者拿取武器，「我唔係話佢哋會做呢樣嘢，雖然係有啲唔舒服，但事前已有口頭、橫額警告要求佢哋要離開」。
至於警方抬人時擰頭的動作，李仕光解釋，目的是要對方難以看到警方的動作，以防對方作出反抗。
李仕光又表示，過去監警會成員也有參觀機動部隊的相關訓練，但並沒有指出有關的做法有問題。