皇家馬德里教練摩連奴想搵卡斯拿守龍門！唔係你睇錯，亦都唔係打漏咗隻字。摩佬上場聯賽雪藏隊長卡斯拿斯，已經見到佢兩個關係破裂；而摩佬咁都未夠，仲想買個新門將返嚟，頂卡斯拿斯嗰位，據報目標就係愛斯賓奴嘅卡斯拿。其實，摩佬都吼中26歲嘅卡斯拿好耐，喺06年教車路士嗰陣已經想搵佢過檔；而喺今年夏天，摩佬都向高層提過買卡斯拿，但皇馬冇應承佢。