六四前夕，以推廣非主流電影為目標的民間組織「社區院線」，在社區放映以黃雀行動為背景的港產片《省港旗兵4：地下通道》，共放映3場。組織者指，在64前放映是希望通過電影，令人關心社會，下午放映的第1場，則邀請曾參與黃雀行動的朱耀明牧師，出席映後分享會。

「社區院線」的組織者景暉指，之前也曾嘗試過放映跟64相關的電影，「好似《天安門》同《沒有太陽的日子》，今次揀《省4》都係機緣巧合，無諗過當年一套商業電影可以咁前衛，都想透過放映，去喚醒後生一輩去關注呢啲事」。另一名組織者嘉曦指，自己亦希望用其他方式去參與紀念64，「好似新生代，件事係佢哋出世前發生，我哋都係想用更多唔同嘅方法，去令人唔好忘記件事」。

曾經參與過「黃雀行動」的朱耀明牧師出席放映後的分享會，分享中他透露自己是第一次觀看《省4》，「都幾陌生，純粹係一個劇情片，現實無咁激烈」，他指行動早期被稱為「地下通道」，是後來才改稱「黃雀行動」，「嗰時係只能夠做唔會講，宣傳咗就做唔到㗎啦，點會講得出嚟？」

到來觀看電影的鄭先生，指自己已看過《省4》超過100次，「其實我今次嚟係為咗想問朱牧關於黃雀行動嘅嘢，我睇咁多次，好多時都係播畀朋友睇，然後自己一齊睇埋，希望比佢哋知發生咗咩事」，他指每次觀看都會令他眼泛淚光，「今次都係，唔會因爲睇咗咗多次而麻木」。

觀眾陳先生指，因為早前看了跟《省4》相關的報道，於是前往觀看，「咁自己都未睇過，細個時都有印象見過報紙登套電影嘅宣傳，一直都知有呢套戲，但就無機會睇，咁啱今次做放映，加埋朱耀明喺度，所以就嚟咗。陳先生指，觀看後雖然覺得製作一般，但意義才是重要，「拍得好粗疏，都有犯駁位，但我諗套戲嘅意義緊要」。