【記者蔡元貴報道】西鐵元朗站工程進行年多以來，距離地盤大約五十米的大圍村，十多幢村屋的牆身逐步出現裂痕，下雨期間更有雨水滲入屋內。九鐵公司至今共接獲十二宗村民索償個案，但該公司派人調查後否認村屋破損是西鐵工程造成，拒作賠償。

「次次落雨都要周圍抹」
「佢哋話唔係工程搞成咁，唔通我哋自己鑿爛幅牆咩？」大圍村村民霞姐氣沖沖說。她住的村屋對正西鐵元朗站地盤，面向地盤的外牆由地下至頂樓都出現裂縫，每逢雨天，就有雨水滲進屋內：「講真我真係唔擔心座樓會冧，但係次次落雨都要周圍抹，咁重唔夠煩呀？」
西鐵元朗站工程於前年開始動工，其間使用重型機器鑽孔打樁，大圍村居民在屋內都感受到震盪，霞姐的村屋則有七塊玻璃窗突然爆裂：「唔係工程造成，好好哋個窗點會爆？」
霞姐的鄰居黃伯更形容自己惶恐度日，原因是通往頂樓樓梯間的一幅牆，出現了長達一米多的裂痕，闊得連硬幣也可放插得入：「我次次行上呢條樓梯都好擔心會冧落嚟，真係唔得佢死！」
九鐵公司在聖誕前向村民作出了回應，表示他們至今共接獲十二宗索償個案，九鐵工程人員及承建商已完成實地視察，未有證據清楚證實有關損毀的法律責任須由西鐵承擔。元朗區議員周永勤批評九鐵經常恃勢凌人，每次出事後都花錢聘請獨立測量師為其洗脫嫌疑。