每當一個馬房發動攻勢，相信會持續一段時間，以近期走勢看，值得優先留意是容天鵬，剛戰又取得兩Ｗ，贏「野孩子」及「手到拿來」，而「正大光明」及「英才」都配合出擊，只是際遇欠佳而搏失。接着之周三（初七）快活谷夜馬，容廄又布下強陣，相信都會繼續出擊。
「永同天下」轉戰快活谷一哩，埋開專誠到快活谷試閘，由莫雷拉出試，近仗此駒起步多數緩慢，但在莫雷拉胯下，起步應聲躍出，反應好敏捷，隨即按住墮後順走，然入直路從中檔逐步追上，輕鬆透出贏了這組試閘，表現甚出色。周末朝此駒已做了最後試跑，由副練跳一段，走來渾身是勁，今朝做一課慢工夫，狀態好對辦。睇此駒之操練部署，已試準來谷戰出擊。

詳盡內容可留意明日<<蘋果日報>>及蘋果馬網 http://hk.racing.nextmedia.com