現正服緊兵役嘅韓劇《善良的男人》男星宋仲基雖然喺下個月先會退伍,但佢早就宣佈會接拍KBS嘅新劇《太陽的後裔》,為自己嘅演藝事業鋪路。因為《太陽的後裔》係宋仲基退伍後嘅復出之品,劇迷們都非常期待,而佢哋亦好好奇同宋仲基合作新劇嘅拍檔。
今日,劇組就宣佈《太陽的後裔》嘅女主角將會由《那年冬天風在吹》女星宋慧喬擔演,而劇集係一套描述聯合國維和部隊軍人同無國界醫生之間嘅愛情故事,所以相信宋仲基同宋慧喬將會喺劇中展開一段浪漫嘅姊弟戀,而預計劇集喺下半年就會出街。
雖然「雙宋」都係實力派演員,但網民對於宋慧喬搭檔宋仲基就唔多滿意,話佢兩個外型唔多夾,不過亦都有網民話佢兩個係郎才女貌喎。
另外,今日亦有消息指韓劇《Doctor異鄉人》女星陳世妍亦有望做KBS另一劇集《吸血鬼儒生》嘅女主角,早前男星李準基已經碓定會做男主角,而同劇亦有男團東方神起成員Max嘅加入,令粉絲好期待。