錢國偉帶女友過大海 急補鑊
蘋果日報 2012/10/18 06:00
錢國偉，JJ，澳門，女友
錢國偉周一過澳門為Big4拍MV時，帶埋女友陳宛蔚開工。- 有傳JJ與肥Wil拍MV時齊齊失蹤。
- 樊少皇本周二被拍到返港會前妻。
錢國偉扮韓國騎馬大叔PSY出神入化，個《HKStyle》MV紅到開巷，跟住梗係是非不斷，MV女主角JJ賈曉晨就俾人話姣黐肥監製，點知咁橋JJ正印男友樊少皇又俾本報影到返咗香港會前妻，好亂呀！
據今期《忽然1周》報道話，樊少皇急急返港，係要同前妻陳少霞攤牌搞清關係，目的係箍實JJ；而錢國偉就帶埋女友陳宛蔚到澳門開工，又係為JJ單緋聞降溫咁話。
不過JJ回應同肥Wil失蹤3粒鐘時話：「我拍MV嗰日都要趕返廠拍劇，邊有3個鐘時間同Wilson（錢國偉）出去？」而陳宛蔚回應男友同JJ緋聞時就話：「冇睇報道，我知佢（錢國偉）一向都係筍盤。」錢國偉就斬釘截鐵派定心丸話：「我冇同JJ撻著﹗」
據今期《忽然1周》報道話，樊少皇急急返港，係要同前妻陳少霞攤牌搞清關係，目的係箍實JJ；而錢國偉就帶埋女友陳宛蔚到澳門開工，又係為JJ單緋聞降溫咁話。
不過JJ回應同肥Wil失蹤3粒鐘時話：「我拍MV嗰日都要趕返廠拍劇，邊有3個鐘時間同Wilson（錢國偉）出去？」而陳宛蔚回應男友同JJ緋聞時就話：「冇睇報道，我知佢（錢國偉）一向都係筍盤。」錢國偉就斬釘截鐵派定心丸話：「我冇同JJ撻著﹗」