韓國男團JYJ嘅朴有天今日驚爆再第二度涉性侵，事件搞到滿城風雨。

原本現時以公益兵服役嘅朴有天，今日如常到首爾江南區廳上班時，都唔覺有傳媒有守候佢，不過當下晝爆出佢再度涉性侵後，佢頭先收工時就被大批傳媒包圍追訪，但係因為現場太混亂，所以愁爆嘅朴有天現身時，即時好似腳仔軟咁，仲被迫到險些跌倒，幸好最後佢順利離開，但全程就未就事件發言。

而朴有天今日嘅一身打到同佢噚日現身時差唔多，都係以黑色為主兼戴上帽子及口罩。