(新增影片)「我成日都話，越係騎呢嘅角色，佢哋就搵我做。靚嘅角色都俾其他人做咗喇，咁醜嗰啲邊個做？重點係，你騎呢都要騎呢得似個樣下嘩？幾核突、幾肉酸我都冇所謂。」

「所以我認為，洗廁所嘅人，佢哋嘅人工應該高啲，點解呢？因為佢哋係厭惡性行業，我覺得係一個好偉大嘅事業，我好尊重佢哋。其實，做乜嘢角色都冇問題，喺這個社會上，每個人都喺度飾演自己角色。」

魯芬生前如是說。

這訪問於三年前完成。魯芬說，即使自己只是演配角，戲份不多，靠邊站，但一個小小的點綴，卻有其重要性。魯芬在訪問中，亦特別提到演藝人對梳化服——負責梳頭、化妝及服裝等一眾幕後功臣。

「我好希望製作人士會注重佢哋，其實都係為部戲好。就好似你煮餸，你買嘅食材唔好，我點煮餐好嘅俾你食呢？唔好當我哋『你都唔係主角！使乜俾咁好嘢你吖！』你哋唔尊重我哋，我哋做起嚟都冇意思。」

魯芬憶述初入行時，親身經歷過這種不尊重，記憶猶新。除了要求對幕後人員的基重，魯芬對戲份亦有要求。「你俾我做騎呢角色，但戲份可以多啲嗎？拍電影，一組、半組，冇乜嘢戲癮；拍劇，喂！拍一、兩日，你搵我做咩呢？咩叫『電視劇』？電視劇當然要多啲啦！做管家又好掃地都好，你都要俾我多啲戲份嘛！」