雷頌德（阿Mark）一連三場的「雷頌德Thank You演唱會」前晚在紅館圓滿結束，演出嘉賓陣容依然強勁，包括「金句王」黎明（Leon）、陳慧琳、馮德倫、楊千嬅、方力申和鄧麗欣（Stephy）等，陳奕迅、丁子高以及專程捧黎明場的仙姐白雪仙都現身紅館。曾傳不和的黎明和千嬅，這晚前後腳同場不同台，本來一眾歌手完騷齊齊上台，但千嬅卻坐定定繼續睇騷。到後台慶功時，有千嬅但不見黎明，認真巧合！

寸爆老友

唱足三晚的Leon，在台上代阿Mark唱《明星》送給已故的黃霑，黎明說：「你今晚又講錯嘢喎，霑叔60幾歲離開我哋，都未算係老人家，應該叫前輩，若果你60幾歲走，俾人叫做老人家都唔開心，幾老嘅我哋都要尊重，叫聲前輩，例如爺爺同爸爸咁，你唔會叫爸爸老人家㗎嘛！」阿Mark大讚霑叔講粗口好聽，更聲稱努力學習，結果Leon搞笑地說：「有冇需要試吓？」阿Mark一臉尷尬地說不需要。
緋聞多多的馮德倫，在尾場成為被玩對象，阿Mark在台上追問他的感情事，馮德倫尷尬地稱堅dry，阿Mark繼續說：「我唔知，所以咪問囉！乜唔係keep住嗰個咩？」馮德倫惟有扮聽不到。而拍拖7年的方力申和Stephy，被問有否七年之癢，方力申說：「So far so good喇，不過結婚真係未諗，大家都好忙。」Stephy亦說：「如果有生BB嘅打算就會結婚，但係唔會有咗先嚟結。」
此外，完場時阿Mark唱了一首歌送給兩個囝囝，現場更播出他們小時候的照片，其間見黎明分別抱着小兄弟的合照，一副慈父相，事後阿Mark說：「我都冇見過佢呢個笑容，但係呢啲冇得催，要生就會生。」
採訪：馬建華
攝影：仇志德

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange