彭秀慧無限loop《天能》過聖誕：試吓由尾睇返轉頭
蘋果日報 2020/12/23 00:04
彭秀慧新介面天能連儂與洋子：同一片天空NowTV
導演彭秀慧最近擔任ViuTV人氣節目《全民造星III》星級導師，工作忙到不可開交，不過熱愛電影的她，亦會抽時間睇戲放鬆心情。彭秀慧今日與電訊盈科媒體收費電視業務總裁蔡煒健一同現身《NowTV Home Screen全新介面發佈會 X 新季度節目巡禮》，彭秀慧表示自己經常趕不及到戲院睇戲，所以會上網欣賞鍾意的電影，還說：「有啲戲我直頭睇過兩次，例如好似《金都》。我鍾意Now入面有新電影同舊電影，有時係因為消閒，有時係想睇啲戲參考下，所以電影庫越多就越開心，無論愛情、喜劇都好鍾意睇。」
彭秀慧表示她跟大部份觀眾一樣，最鍾意安在家中煲劇、睇戲，有時還會拿手機或iPad入廚房，邊煮食邊煲劇。除了煲劇，她還喜歡看紀實節目，直言拍紀實節目甚為困難：「最近我有個朋友用咗幾年時間去追訪許鞍華導演（文念中導的《好好拍電影》），拍咗一套關於許鞍華嘅紀實電影，我見到已經覺得係一個好浩瀚嘅工程，因為中間要做好多訪問，追蹤佢嘅日常生活，了解佢個人，我相信係好艱難，同埋要好多耐性同時間；我鍾意睇關於人物嘅紀實片，我知最近出咗《連儂與洋子：同一片天空》，呢啲我會好有興趣睇，因為識個人物，所以更加想知道佢我哋唔知嘅嘢。」
全新「個人化專屬介面」
今日節目巡禮中，NowTV還介紹全新「個人化專屬介面」，只要一按Home掣就可以欣賞紀實自選節目Now True、年度賣座電影，如《幻愛》、《叔叔》、《天能》及歐亞熱播劇集和綜藝節目等，彭導表示：「聖誕節可以無限次睇《天能》，試下由尾睇返轉頭，睇下會唔會睇到另一個劇情出嚟！」
受疫情影響，今個聖誕節人人都要留家抗疫，故NowTV更特設免費試睇區，讓大家免費收看包括電影《少年的你》、《爆谷製造：陳可辛的奪冠夢 (足本版)》、劇集《女神降臨》、《7人的秘書》、《The Penthouse》和紀實節目《醉愛英倫風》等等，彭導說：「好似聖誕禮物咁！」
彭秀慧表示再無限次欣賞電影《天能》。（網上截圖）
彭秀慧與電訊盈科媒體收費電視業務總裁蔡煒健互相分享心得。
節目巡禮中，NowTV還介紹全新「個人化專屬介面」。
荷李活電影《天能》。（網上截圖）
香港本土電影《幻愛》。（網上截圖）
當然亦有足球賽事。（網上截圖）
彭秀慧喜愛紀實片《連儂與洋子：同一片天空》。（網上截圖）
Produced By：Fruity Nutty Studio
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！