改編人氣網絡漫畫、由人氣男團EXO隊長Suho及韓片《哭聲》童星金歡熙主演嘅電影《初中女生A的虛擬樂園》，今年6月喺韓國上映引起關注，電影將於下周四喺香港上映。

《初中女生A的虛擬樂園》講述沉迷遊戲嘅中學生美萊(金歡熙飾)逐漸接觸社會，學習成長同與人相處嘅故事。故事中，美萊之所以會沉迷遊戲，係因為遊戲中冇虐待佢嘅父親、唔需要返學、唔係獨自一人，完全係美萊嘅理想生活。不過突然有一日，美萊嘗試結交人生中第一個朋友，卻因突如其來嘅意外令佢受到傷害，美萊就變得比之前更畏縮。而Suho飾演嘅角色有着四次元嘅性格，但同時亦背負住不為人知嘅過去，佢同美萊之間會發生咩事呢？

精選韓流，喺晒《娛果》
http://fb.com/appledailyent