型事專輯:
agn囗sb.×AbdelkaderBenchamma
超現實法式5月
天馬行空的藝術創作一向定義廣。agn囗sb.5月請來的年輕法國畫家AbdelkaderBenchamma係最好的例子,沒有誇張、譁眾取寵的題材、棄用搶眼鮮艷的Painting色彩。簡單而言,用一支黑色水筆畫盡世界每一角落,今趟首次畫到香港,你又會否欣賞這些令賞畫者抓爆頭都睇唔明的超現實水筆創作畫呢?
記者:許維雅
攝影:黃子偉
AbdelkaderBenchamma首次來港搞展覽,於畫廊牆上畫了一幅表達由中心向外伸展的Signpen畫。內容任憑賞畫者自己幻想,但記者就覺得好有洋紫荊的神髓。
年紀輕輕的法國畫家AbdelkaderBenchamma,其藝術成就不見得怎麼轟動,但其作品卻充滿個人風格。一幅幅單以水筆繪畫的黑白色抽象藝術畫,雖然色彩欠奉,但只要看到畫中繁複而仔細的線條,就不禁令人對其畫功的讚歎。Abdelkader:「我細細個就鍾意畫畫,不過當年只喜歡畫漫畫。直至02年在美術學院進修嘅時期,畫油畫令我感覺好厭悶,所以就停低落嚟,不斷睇書、寫作。後來我發覺寫作要顧及好多詞彙上的問題,感覺十分麻煩,於是就決定用畫來表達自己。為咗令我嘅畫更強烈表達係我啲寫作,我決定只用水筆、簡單嘅線條去表達我嘅創作。我啲作品大概分為兩類,第1類係以人同物件去描繪我平日發白日夢、天馬行空的想法;第2類係單用不同長度的線條去表達一個Expose同Extend的理念。」
其實Abdelkader的水筆畫另一大特色,係所繪的人、物甚至乎一大堆的線條永遠超現實,賞畫者唔明外,畫家Abdelkader自己亦答不出所以然來。Abdelkader:「我每次創作一幅畫時,都要有好多準備,要好集中,咖啡、音樂、同一個靜嘅地方都係絕不能少。當我有嘢想抒發時,我會準備好一切,然後隨心所畫。所以我從來唔會畫草圖,所畫嘅每一筆更唔會修改,我要表達我想嘅一切。哈哈!最後畫得唔好,當然唔會要,但唔會再畫。我所有嘅作品都唔希望係對定錯、有特定嘅意思,我目標係每幅都保留幻想嘅空間給欣賞我作品嘅人,可能就係咁,啲人會覺得好抽象。」
今次畫廊共展出26幅展品,大部份均接受訂購,價錢由$7,000至$18,000。此外,更有多款紀念品作獨家發售,包括限量版水杯連油性墨水筆套裝,讓大家可以在杯上為Abdelkader的作品作延續。同時更有3款Tee及畫冊作發售。
■Abdelkader係一個頗斯文、愛靜的人,但每當談及自己的作品,就表現得手舞足蹈。
■agn囗sb.×Abdelkader限量版水杯連油性墨水筆套裝$190
■agn囗sb.×Abdelkader白色「爆頭」PrintTee$690
■agn囗sb.×Abdelkader白色「旋渦」PrintTee$690
■agn囗sb.×Abdelkader白色「西裝友」PrintTee$690
■一群人仔向一大堆山係咁掟,是想表達人在恐懼時的反應。
■另一幅關於擁抱的作品,一個男人,抱的竟然是一嚿虛無的「雲」。
AbdelkaderBenchamma,現年31歲,兩歲始對畫畫產生興趣。00年考入法國「BEAUX-ARTSdeMONTPELLIER」美術學校修讀了第1期的3年美術課程;03年再進入「BEAUX-ARTSdePARIS」美術學院,共考取兩個美術文憑。其間不斷參與不同國家的藝術展覽,如法國、德國及西班牙。直至2006年5月,於法國LeHavre作出首次名為《Enfuite》的個人展覽,並於07年獲得3個美術獎項,亦獲得b姐青睞,曾合作推出過ArtistSeries,已斷市。
「Theythinkthatoncetheyarethere,itwillbefinished」展覽資料:
日期:5月26日至7月28日
時間:11:30am-8:00pm(假日休息)
地點:agn囗sb.'sLIBRAIRIEGALERIE(灣仔永豐街18號1樓)
查詢電話:28695505(免費入場)