「傷殘」兩個字，往往被聯想到弱者，但在梁淑玲身上，卻有另一番演繹。
因為意外受傷導致失聰的淑玲，過去一直勇於克服身體殘障。在家庭，她是一位成功主婦，在社會，她是一名出色義工。淑玲的故事告訴我們︰「天生我才必有用」，無論是傷是健，一樣可以活出豐盛生命。

記者雖然無法與淑玲直接溝通，每句說話皆要透過傳譯員作手語繙譯，但淑玲燦爛的笑容，生鬼的面部表情，已融化了我們彼此間隔膜。「我性格樂觀，好鍾意笑，唔開心嘅嘢好少去諗。」淑玲笑瞇瞇地對記者「說」。

腦受創導致傷殘
事實上，淑玲如果選擇要哭的話，其遭遇的確可以哭上半天。現年四十八歲的淑玲，出身於赤貧家庭，童年時一直沒有上學讀書機會，及至八歲那年意外受傷，導致永久傷殘，抱憾終生。
淑玲憶述︰「我記得嗰日同幾個小朋友一齊玩，唔小心碌咗落樓梯，撞親個腦，之後我發高燒，因為當時嘅醫療設備比較差，加上屋企好窮，冇認真去醫，後來我逐漸聽唔到嘢，最後就完全失聰。」
四十年前的故事，今天說來雖然從容，但淑玲也曾度過一段悲傷日子。「最初好唔開心，突然聽唔到嘢，覺得好唔習慣，完全冇辦法同人溝通，個人變得好𤷪𤺧。」
不過生性樂天的淑玲，哀傷過後決心克服問題，幾經艱難，她爭取到一所聾啞學校學習正統手語訓練，加上學識書寫，目前透過文字及身體語言，一般溝通難不到她。在她眼裏，世界一樣多姿多采。「最重要接受自己，肯定自己，呢個世界其實好美麗。」