當年今日
關於我們
中環在線:嘉興領導去救災 - 李華華
蘋果日報 2008/05/28 00:00
香港係一塊福地,差唔多隔日就吸引內地地方政府嚟推介招商,噚日輪到浙江省嘉興市,推介會上仲進行投資項目簽約儀式,9項投資合共26.6億人仔,咁嚟得招商,當地市政府照計都會好有誠意,有啲領導來港,市長唔到起碼都有副市長啦。點知嘉興市嗰邊只係搵嚟市政府副秘書長趙建峰做舵手,市長同副市長影都唔見。
華華好奇問多句,先知道原本係安排嘉興市常務副市長裘東耀嚟嘅,佢臨時嚟唔到,係因為要去四川一個叫廣元市嘅地方救災,不過裘副市長點解老遠去救災?具體情況主辦單位就唔肯透露,咁大家都理解,救災工作係刻不容緩嘅。