Topcon嘅LCD喺唔少用家心目中，算係平靚正之選，今次新出嘅22"型號，更將同尺寸舊型號比下去，事關新機Amigo22W一推出，即以$2,990開賣，個樣就同相中嘅17"型號差唔多，具有22"闊屏幕，解像度可達1,680×1,050，有齊D-Sub同DVI插頭。以同等規格比，其他品牌起碼貴二百蚊，鍾情大芒享受絕對玩得過。順便一提，17"型號已跌到$1,390，配入門級電腦啱晒。

Core2Duo發布之時，其實同期亦公布咗Core2Extreme處理器，不過一直以嚟不見蹤影。不過最近終於真相大白，事關呢粒CPU開價驚人，每粒要$8,500以上！因為價位咁高，有錢都未必有貨賣畀你，問過好幾間舖都要訂先肯返貨。諗落又唔出奇，成九千蚊大可砌到兩、三部Desktop，會有幾多發燒玩家會出手呢？