9歲「小巨肺」譚芷昀(Celine)今早9點幾於真人騷《全美一叮》（America's Got Talent，AGT）再亮相，參加準決賽，雖然表現被Mel B批評，但佢都笑笑口淡定面對。

賽後Celine再次拍片拉票，不過上次被杜汶澤笑完之後，明顯不再浮誇。

片中佢講到：「大家好，我係Celine Tam，能夠喺AGT準決賽表演真係好開心，多謝大家為我鼓掌。其實要走過呢個舞台真係好艱難，能夠入圍準決賽係夢想成真，而更重要嘅係我真係好想入到決賽，記得叫你嘅朋友同家人為我投票，多謝！唔該唔該唔該！」

至於賽果就要等聽日先知喇!