早前離開禮賓府嘅23歲特首女梁齊昕，聲稱要過自己嘅生活，噚日朝早喺Instagram貼出一張快餐店職位申請表，見佢填咗姓名、出生日期、年齡等申請入職嘅表，留言：「Do I have a case of Benjamin Button？」梁齊昕似乎想好似《奇幻逆緣》中畢彼特演嘅角色班傑明一樣，唔知佢係想話自己年紀越大就越嚟越後生，定變得越嚟越幼稚呢？連學民召集人黃之鋒都有畀like。之後梁齊昕又再喺Ig反問：「Did my parents raise me up properly？Why am I so immature」（中譯：我爹哋媽咪有冇好好咁湊大我？點解我咁幼稚）。

被笑寫字樣衰

梁齊昕連環貼文，其中一條仲寫住佢喜愛活動係「Frying fries（炸薯條）」，但原來求職信係假嘅，佢回應話：「講笑，好幼稚咁玩下咋。我facebook都有寫番㗎。」佢之後喺facebook都澄清否認求職，仲笑話自己搞亂檔， 但網民反而留意佢寫嘅字唔靚。
撰文：馮仁昭