王光亞此行訪港冇帶同夫人一齊現身，唔少有意一睹呢對外交部夫妻檔風采嘅好事之徒大失所望。舉止談吐相當溫文嘅王光亞，太太陳珊珊係開國元帥、前外長陳毅嘅寶貝細女。同呢個外交之家結緣，王光亞都不負所望，逐步由普通繙譯升至副部長，冇令「陳毅女婿」呢個朵蒙污。
其實王夫人喺外交部都好出名，曾任駐愛沙尼亞大使，亦曾擔任中國常駐聯合國代表團公使銜參贊等。呢對中國外交界著名夫妻檔早喺外交部引為佳話，兩人婚後育有一子。
噚日座談會上，有年輕人向王光亞表白，話好想港人有機會加入外交部，王光亞聽到即時雙眼發光，聲言都希望港人終有一日可以喺解放軍同外交部任職，但前提係先要解決一啲制度問題囉。