【欅坂46開騷】平手友梨奈不慎跌落舞台
平手友梨奈欅坂46
日本女子組合欅坂46噚晚千葉開騷,主將平手友梨奈唔小心喺2米高嘅舞台跌咗落嚟。
日本女子組合欅坂46噚晚千葉開騷,當唱到第四首《打破玻璃》時,主將平手友梨奈唔小心喺2米高嘅舞台跌咗落嚟,佢話希望繼續演出,大會即安排在場救護人員檢查,同時call定白車。
平手友梨奈經檢查後,發現無大礙,去到Encore部份再出場,同隊友一同演譯《W-KEYAKIZAKA之詩》,其後組合經官網透露平手友梨奈到醫院檢查後,證實只係輕傷,同時為令到粉絲擔心而致歉。
只得17歲嘅平手友梨奈曾傳出因為成功壓力以致精神不穩,過去不止一次於舞台上倒下或受傷,佢曾在《紅白歌唱大賽》上抽搐及嚴重手震兼在台上虛脫倒地,月前又因右手腕三頭肌受傷,需要停工養傷。
精選娛聞,喺晒《娛果》
http://fb.com/appledailyent