謝賢（四哥）母親大前晚喺澳洲悉尼嘅療養院病逝，享年101歲。

一四哥向侍母至孝，但佢現身處於葡萄牙拍攝無綫真人騷《三個小生去旅行》，據悉無綫曾叫四哥提前結束行程以便打理亡母後事，但四哥唔想影響拍攝進度，強忍喪母之痛堅強撐到底，亡母後事由胞弟處理。

記者昨日致電四哥，佢語氣平靜回答：「我就返香港，返嚟香港先問啦，好唔好？」四哥將於下周二（22日）由葡萄牙返港。

謝霆鋒身在北京拍戲，昨日被問到會否趕赴澳洲奔喪時，其經理人霍汶希回應：「要等四哥通知，盡量配合請假。」