演慰安婦不停遭性侵
衛詩雅周身傷 恐懼家棟
蘋果日報 2017/04/18 00:00
衛詩雅在邱禮濤執導的新片《失眠》中，一人分飾兩角演雙胞胎角色，其中一個角色演慰安婦，要化爛面妝，兼慘遭客串演出的林家棟性侵，除了弄得傷痕纍纍外，精神更處於崩潰邊緣。
衛詩雅以長髮披面赤腳造型扮慰安婦。
衛詩雅腳留下不少瘀傷，叫工作人員睇到眼濕濕。
衛詩雅與黃秋生演其中一幕開飯戲。
衛詩雅（左）都覺得新片所演的女人好可憐。
趕同居男友
日前衛詩雅受訪時，透露事前花了數月時間做資料搜集，了解日治時期及有關慰安婦的歷史。為了投入角色，戲未開拍她已處於壓抑狀態，連同居男友也被她趕走，她說：「拍之前我同男友一齊住，之後趕走咗佢，因為嗰時冇辦法接受有人喺我身邊，尤其係男士，所以分開咗住。」
獨自到大馬檳城拍戲，衛詩雅自言感覺特別強烈，加上有很多性侵戲份，除了林家棟，還有不認識的臨時演員，後遺症是怕了林家棟，她說：「佢係一個好演員，甚至乎佢畀嘅力會令你痛，令我有足夠力量去演戲，所以佢拋我落床，捉我頭髮打嘅力，都令到我好痛，身邊啲女工作人員都睇到眼濕濕，覺得好陰功。初時我都唔知自己嘅傷咁嚴重，直至返到酒店沖涼，一剝衫，嘩，就見到啲𢱑痕，周身瘀，腳又腫，塊面真係有好多瘀傷，拍完心靈上嘅痛之外，仲有好多好痛嘅感覺。」
獨自到大馬檳城拍戲，衛詩雅自言感覺特別強烈，加上有很多性侵戲份，除了林家棟，還有不認識的臨時演員，後遺症是怕了林家棟，她說：「佢係一個好演員，甚至乎佢畀嘅力會令你痛，令我有足夠力量去演戲，所以佢拋我落床，捉我頭髮打嘅力，都令到我好痛，身邊啲女工作人員都睇到眼濕濕，覺得好陰功。初時我都唔知自己嘅傷咁嚴重，直至返到酒店沖涼，一剝衫，嘩，就見到啲𢱑痕，周身瘀，腳又腫，塊面真係有好多瘀傷，拍完心靈上嘅痛之外，仲有好多好痛嘅感覺。」
爛面妝令衛詩雅自言留下深刻印象。
林家棟和日本演員船木一輝（左）首次合作。
變妝變身份
化爛面妝都令衛詩雅有深刻感受，她表示長時間化爛面妝，幸好特技化妝師是個好團隊，只需二十分鐘上妝，之後再用二十分鐘換妝變另一個角色：「呢個經歷係好好㗎，因為有二十分鐘畀我換另一個狀態去演。第一次發覺到化妝嘅威力，其中一個俾人凌辱完嘅妝，照鏡時自己都喊，覺得呢個女人好可憐。」
採訪：葉綠悠
採訪：葉綠悠
緊貼「蘋果VR」熱潮，打開雙眼隨意門，讓「蘋果VR」陪您探索新世界： https://goo.gl/b5RQAB
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw
「蘋果VR」App
App store下載： https://goo.gl/0kW2cK
Google Play下載： https://goo.gl/4K7EHw