負面新聞多蘿蘿嘅羅鈞滿(Moon)，喺舊年11月無綫台慶嗰日宣佈提前解約，回復自由身嘅Moon，喺香港突然消聲匿跡，好似娛樂圈從未出現過呢個人，之不過此處不留人，自有留人處，阿Moon改投祖國嘅懷抱，拍劇賺人仔！(新聞連結： http://bit.ly/2j6hcWj )

為咗證明自己有工開，阿Moon好勤力更新微博同fb，睇嚟佢啲生活都好寫意，一時見佢貼啲開工拍劇、商演嘅相，轉個頭又貼下啲旅行睇波相，今日佢又更新近況，佢貼咗啲喺機艙嘅相，留言話：「休息，工作，再工作！橫店見！」不過佢似乎唔係想晒個樣，見佢好寧寧捨捨有一張淨係得護照夾住張登機證嘅相，清楚見到航班編號，機艙級別係商務位，莫非佢借啲意扮不經意咁話俾人知，其實佢出trip做嘢都係坐商務位？