當年今日
關於我們

【短片】【雨傘革命】因朋友中催淚彈感憤怒 《撐起雨傘》作曲人Pan:想做番啲嘢

蘋果日報 2014/10/05 06:00

撐起雨傘

由何韻詩、黃耀明、葉德嫻、謝安琪等歌手合唱,為爭普選學生打氣的歌曲《撐起雨傘》,作曲人Pan(羅曉彬)是一位25歲的兼職音樂人,作品包括何韻詩《詩與胡說》、任賢齊《對摺》、楊宗緯《這一路走來》等。

過去三、四日都有上街的Pan,昨日接受電話訪問說:「自己正職係幫玩具做聲音(Soundengineer),08年開始寫歌,今次爭普選事件,想發揮多啲自己力量,除咗集會要去,想利用自己專長安慰人,28號我都有上街,當時喺分域碼頭附近,但有朋友就中咗催淚彈,嗰刻憤怒激發我好想做番啲嘢,用2日時間寫咗呢首歌。」

之後Pan聯絡了何韻詩,最後由阿詩、明哥召集歌手完成這首歌,他說:「自己本身曲詞都寫咗,佢哋想因應時勢,搵林夕合力寫歌詞,自己唔介意,佢改晒歌詞都冇所謂。呢首歌除咗鼓勵人,仲希望大家唔好咁快散,對自己嚟講,大會可能想保護人身安全叫人撒退,但變相令少部份留守人增加危險性,所以歌曲呼籲大家不枯也不散。」