【唔去街市買餸】楊千嬅 陳慧珊轉投高價超市 確保食材有質素
楊千嬅陳慧珊羅孝勇c!ty'super
o依家有唔少食物都被揭發有問題,有啲不法商人唔會理會食物嘅衛生安全問題,只求將啲劣質貨品賣出去,從中賺取暴利,所以近年有唔少對食物嘅要求越嚟越高,選擇有機食物,亦好注重品質來源,就算價錢貴啲都冇所謂,於是乎高價超市越出越多,唔少人都轉移去咗呢類超市買餸。
話晒靠面口搵食,做藝人嘅保養功夫梗係唔可以鬆懈,飲食方面當然亦要好小心,所以佢哋已經轉去高價超市買餸,其中以最受歡迎,好多時去買嘢都會撞到明星。
曾經係大台當家花旦嘅陳慧珊(Flora),自從同經理人鍾家鴻(Mike)結咗婚後生咗女,之後淡出幕前專心湊女,佢亦都試過好多次俾人影到喺ifc嗰間高檔超市買餸,喺14年曾經有讀者爆料,話買嘢嗰陣唔小心撞到佢個女,護女心切嘅陳慧珊即場用英文同佢理論,雖然讀者已經2次道歉,不過陳未有接受兼鬧佢係「idiot(白癡)」。事後陳話有嘢做,冇時間講呢件事。
做咗阿媽嘅楊千嬅,對阿仔Torres照顧無微不至,仲似乎愛上煮餸,成日都見到佢到阿媽去ifc嗰間高檔超市買餸,為Torres炮製愛心大餐,不過佢為免造成混亂,所以佢買餸嘅速度認真快,推住架購物車轉幾轉就去收銀處俾錢鬆人。
除咗師奶之後,後生仔亦都鍾意去高檔超市買餸,好似曾經傳同林欣彤拍拖嘅羅孝勇,甩拖冇耐見到佢索女喺買餸煮飯,雖然嗰陣羅孝勇已經戴晒口罩,又同女伴保持距離,但係都俾人認出,佢哋喺凍肉櫃買咗多盒食物,再一齊離開。
至於一啲上咗年紀嘅夫婦,好似許冠文夫婦同曾江、焦姣,唔好以為佢哋思想守舊,查實佢哋亦轉移陣地,去咗呢類超市買餸。