甘草演員蘇杏璇昨日在伊利沙伯醫院因中風後併發症逝世，終年61歲。其實她多年來飽受糖尿病的煎熬已多次住院，體重由150磅跌至不足100磅，個多星期前才出了院，但日前又再度入院，至昨午4時許病逝。蘇杏璇的兒子昨晚證實母親去世的消息，好友羅蘭為此泣不成聲。

蘇杏璇多年來參與無數電視劇演出，以精湛演技見稱。已婚的她育有一子一女，10年前患糖尿病後，開始減少幕前演出，近年健康狀況越來越差，經常進出醫院，幸而其夫婿和子女悉心照顧她，據悉她月前因糖尿病復發再入院，個多星期前出院，日前又不適再被送入伊利沙伯醫院，好友陳美琪、羅蘭和余慕蓮都去過醫院探望她，但昨日眾好友收到其家人通知璇姐已離世。

兒子：走得安詳

昨晚8時，有人從殮房推出似是裝着璇姐遺體的黑箱出來，5分鐘後，璇姐的兒子由女親友陪同出來見記者，戴着口罩的他眼泛淚光哽咽說：「首先多謝傳媒關心，4時許媽咪離開人世，關於中風嘅併發症，詳情由醫生交代。」問媽咪是否走得安詳？他說：「冇乜遺憾，都走得安詳，重要屋企人都喺度，喪禮會採佛教儀式。」

璇姐好友羅蘭昨在電話哭着說：「係呀！佢今日4點幾走咗，係陳美琪通知我，我同佢合作拍過好多劇，對唔住！講唔到落去啦！」羅蘭在電話中泣不成聲，接受不了好友離開。過去10年飽受糖尿病煎熬的蘇杏璇，因一直擔心雙腳被鋸而諱疾忌醫，直至去年農曆年間，因為爛肉發黑及發冷，病情嚴重需緊急入院動手術，一雙腳成功保住，但其中一隻腳趾就保不了，因枯萎被鋸走。在醫院住了兩個月，動了四次切爛肉手術的她，由150磅跌至90幾磅。

偉仔：永遠懷念

曾與蘇杏璇在《新紮師兄》合作的梁朝偉，昨日回應說：「我同璇姐都係佛教徒，希望佢早登極樂世界，永遠懷念同佢一齊工作嗰段緣份。」曾與蘇杏璇合作過《網中人》的周潤發昨說：「佢係大師姐，好好人，好肯提攜後輩，演技又好，佢離世係娛圈損失。幾年前我去過佢間齋舖食過飯，當時見過佢一面之後就好耐冇碰過面啦，只聽聞佢近年身體唔係幾好。」
曾與璇姐在影視合作的杜琪峯在電話中說：「我幾個月前先同佢食飯，呢個消息嚟得太突然。」李司棋表示上次與蘇杏璇見面已是兩年前的事，當時也談及她的糖尿病，她說：「阿璇講嘅情況都未係好嚴重，大家都話要戒口。」
採訪、攝影：徐錦池、楊浩賢、陳慧安

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！