黃榕、艾美琦同仙樂都今日喺佐敦為一間餐廳出席開幕剪綵活動，幾位女仔都性感拋胸露腰上陣，其中黃蓉話近來努力做運動，成功將腰圍減到21吋半，佢話：「練得咁辛苦，一定要成日着露腰裝，但係好多人鍾意摸我條腰同腹肌，不過全部都係女仔。」

咁有冇男仔忍唔住想摸你？黃榕話：「暫時未有。」佢補充話o依家努力考緊街頭運動教練牌，希望遲啲可以如工作於娛樂。

至於艾美琦就話自己都好想跟黃榕一齊練習減肥，佢話：「我呢排鍾意咗小鮮肉，我想減瘦啲，等我可以識到啲年青小鮮肉，或者到時要等黃榕介紹。」