當年今日
關於我們

香港打工仔全亞太區最冇Heart!

蘋果日報 2014/05/15 06:00

打工仔

學黃子華話齋,香港打工仔一般都係抱住一個「搵食啫,犯法呀?」心態,有幾多個真係全情投入去佢哋份工?最近有調查就得出結論!香港係全亞太區對佢哋份工最冇熱誠地區!

根據人力資源公司KellyServices最新調查,只有18%香港打工仔可以做到熱愛自己份工,比起新加坡及泰國嘅20%,澳洲嘅21%,同埋中國嘅27%更低。

當中,只有19%打工仔認為得到老闆認同,56%計劃未來一年轉工,有43%嘅人,更經常想辭工。

咁打工仔又想搵一份咩工呢?有89%嘅人,認為動力來自人工同福利、72%認為可以平衡工作生活好緊要。

同其他亞太地區比較,香港打工仔嘅學習及進修動力最低,咁好可能因為打工仔覺得自己份工好無意義。只有28%受訪者認為,依家份工有意義,同中國嘅55%,以及澳洲51%,新加坡35%都低好多。