【本報訊】老師一雙手拿不了粉筆粉刷兼大聲公，講課講到口渴，又要邊拿着課本邊喝水。英華小學的六名學生憐惜班主任李玉凝，合力發明及縫製多功能「老師衫」送給她。李老師笑瞇瞇的指着左右不對稱的老師衫說，「好感動，佢哋咁大個仔第一次揸針，見住佢哋，乜壓力都冇晒。」
香港電台昨日舉行介紹本地科研產品的《創新世紀》啟播儀式，並展出十項小學生創意發明。老師衫內置連着飲管的水袋、頸巾和多個衫袋，長袖更可即時變短袖，方便上體育課。

「手指頭拮損晒」

縫衣六人組七嘴八舌地說：「個內袋係用洗衣網做」、「你睇吓我啲手指頭俾針拮到損晒」、「但係佢（老師）唔肯着喎！」李老師總結：「最鍾意頸巾設計，如果件衫加個掣，襟咗佢哋（學生）就會靜，我就會着。」
聖文德天主教小學則把摩打嵌上象棋，製成按摩器幫父母搥骨；科技創意小學發明遙控嬰兒車，以坦克車履帶代替車輪，方便上落樓梯；北角官立上午小學的學生在家門裝上斷路裝置，開門進屋後，若忘記取走門匙，警報會自動響起。
《創新世紀》今晚起逢星期三晚上七時在亞視本港台播出，介紹產品並包括中文大學用眼部肌肉來控制的自動輪椅等。