【塞翁失馬】毛舜筠受社會氣氛影響暫緩開舖 與家人旅遊兩個月放鬆
蘋果日報 2019/09/23 17:54
毛舜筠吳綺莉
吳綺莉（Elaine）與毛舜筠（毛姐）今天於尖沙嘴出席醫美外科中心開幕禮，適逢今天是Elaine的46歲正日生日，大會安排了蛋糕為她慶祝，Elaine表示希望身體健康，大家平安，問到可擔心女兒卓林？她說：「冇，佢會自己睇住，要自己小心，其他冇得講，我喺香港大，但見得世面太少嘞。」問到女兒有否送上生日祝福？Elaine表示：「唔講呢啲，要祝福嘅日日都可以，我哋都有食飯，但唔使專登生日先食。」
提到母女關係，Elaine表示已有很大改善：「大家知道避忌，乜嘢應該講乜嘢唔好講，去到嗌交位大家就要停，或者行開吓，而家會傾偈，以前係家長同小朋友關係，而家係朋友關係，大家都會舒服。」生日正日工作，Elaine笑言也屬好兆頭，但她自言工作未停過，問到有男士約會嗎？她說：「食飯嘅朋友都會有，追求嘅就唔覺，好大獲！」問她能夠拋開個心接受新戀情嗎？她笑說：「冇人接，拋咗落地下好大獲喎！順其自然啦！點解唔OK啫，遇到傾到偈，夾到嘅就得，就好似同家人相處一樣。」
另外，提到毛姐的曲奇餅店結業，她指舊舖的地方廚房太小，未能滿足她親自制作的高要求，故當時她已計劃另覓工場及地舖，但卻遇上現時的社會氣氛影響，所以她的新計劃將會延遲，她說：「我覺得暫時停一吓先，結束係一個好好timing，唔係經歷呢兩個月，新舖已經開咗，租咗新舖就會好痛苦，塞翁失馬，而家停一停，等我之前本來去3個禮拜旅行，後尾可以去咗兩個月，同啲女去美加，溫哥華、多倫多、紐約，真係樂而忘返，放咗假期，個人精神晒，係好開心。」
採訪、攝影：羅慧敏
吳綺莉今天於尖沙嘴出席醫美外科中心開幕禮。
今天是Elaine的46歲正日生日，大會安排了蛋糕為她慶祝。
Elaine表示女關係有很大改善。
毛姐遇上現時的社會氣氛影響，所以她的新舖計劃將會延遲。
毛姐：「塞翁失馬，而家停一停，放咗假期，個人精神晒，係好開心。」