前年上映、由韓孝珠主演嘅韓片《愛上變身男友》，係講女主角愛上咗一名「變身男友」，男友每天醒來就會變成另外一個人，當中性別、年齡、國籍都完全唔同，當中男主角呢個角色喺片中就出動咗70多位演員，而主要飾演嘅20多位演員中有同韓孝珠有對手戲及咀戲，片中有唔少韓星助陣，好似朴信惠、朴敘俊、李棟旭、李鎮旭等，就連日本女星上野樹里都有份演男主角。

由於電影構思十分新穎，所以亦吸引咗荷李活垂青，美國FOX 2000 Pictures製作公司已落實開拍美版《愛上變身男友》，並已邀得HBO王牌劇《權力遊戲》（Game of Thrones）中飾演「龍女」一角嘅上位女星艾美莉克拉克（Emilia Clarke）做女主角，唔知到時美版會唔會同韓版一樣，有成70多名演員做同一個角色，同「龍女」談戀愛呢？