王晶開拍《倚天屠龍記魔教教主》續作 連大陸網民都唔睇好：會毀了經典
蘋果日報 2019/12/25 18:00
周芷若小昭趙敏倚天屠龍記之魔教教主張無忌華山二老鄒義訓邱淑貞王晶李連杰娛樂田啟文倚天屠龍記張敏黎姿娛樂
《倚天屠龍記之魔教教主》趙敏：「張無忌，你仲欠我一件事。你要記住，你要救六大派就去大都搵我啦！」就係咁，趙敏一等就廿六年，觀眾都係！
直到最近，終於有消息指張無忌要去大都搵趙敏喇，事關王晶喺微博話：「我要拍新的倚天屠龍記電影了。」延續經典定係摧毀經典？觀眾更擔心後者。
直到最近，終於有消息指張無忌要去大都搵趙敏喇，事關王晶喺微博話：「我要拍新的倚天屠龍記電影了。」延續經典定係摧毀經典？觀眾更擔心後者。
細個睇《倚天屠龍記之魔教教主》，一個字，「爽」！劇情節奏快，不時有幽默對白，特別係華山二老（田啟文、鄒義訓飾）最搞笑，而且打鬥場面乾淨利落。當時真係唔明白，點解遲遲未有續集。大個少少至知，原來票房差無人敢投資。
廿幾年過去，張無忌(李連杰)莫講話打，連行路都成問題；趙敏(張敏)雖然係凍齡美魔女，但無咗嗰種精靈機智令人又愛又恨嘅feel；小昭(邱淑貞)同周芷若(黎姿)更加做埋人妻，女都各有三個喇。所以，一早預咗唔會有續集。
點知，依家竟然話再拍。究竟係「有生之年終於等到」嘅喜悅大啲，定係「由佢成為一個遺憾美」好啲呢？其實好矛盾，誠如大陸網民擔心：「王晶要拎出九十年代嘅幹勁，畀啲心機拍好佢，千祈唔好搵流量小鮮肉拍，會毀咗經典。」
咩係「流量小鮮肉」，搞到連大陸網民都擔心？即係粉絲眾多、商業價值高，但實力見人見智嘅明星，簡單啲講應該就係吳亦凡、陳偉霆、鹿晗呢類(佢哋好似已經out out地，而家興港人聽都未聽過嘅肖戰、鄧倫、王一博)。
如果真係搵上述嗰班所謂流量小鮮肉拍，咁就真係不得了，難怪有人話寧願睇原班人馬行行企企賣情懷好過啦。甚至有人強烈要求王晶本人演張無忌添，擺明睇死佢cast令人失望。
陸網民都咁認為，香港觀眾更加唔使恨啦，《新倚天》一定係主打內地市場，選角一定係十有八九都唔識，噏得出名嘅演員可能係何浩文、胡然、徐冬冬，定係王子涵？
廿幾年過去，張無忌(李連杰)莫講話打，連行路都成問題；趙敏(張敏)雖然係凍齡美魔女，但無咗嗰種精靈機智令人又愛又恨嘅feel；小昭(邱淑貞)同周芷若(黎姿)更加做埋人妻，女都各有三個喇。所以，一早預咗唔會有續集。
點知，依家竟然話再拍。究竟係「有生之年終於等到」嘅喜悅大啲，定係「由佢成為一個遺憾美」好啲呢？其實好矛盾，誠如大陸網民擔心：「王晶要拎出九十年代嘅幹勁，畀啲心機拍好佢，千祈唔好搵流量小鮮肉拍，會毀咗經典。」
咩係「流量小鮮肉」，搞到連大陸網民都擔心？即係粉絲眾多、商業價值高，但實力見人見智嘅明星，簡單啲講應該就係吳亦凡、陳偉霆、鹿晗呢類(佢哋好似已經out out地，而家興港人聽都未聽過嘅肖戰、鄧倫、王一博)。
如果真係搵上述嗰班所謂流量小鮮肉拍，咁就真係不得了，難怪有人話寧願睇原班人馬行行企企賣情懷好過啦。甚至有人強烈要求王晶本人演張無忌添，擺明睇死佢cast令人失望。
陸網民都咁認為，香港觀眾更加唔使恨啦，《新倚天》一定係主打內地市場，選角一定係十有八九都唔識，噏得出名嘅演員可能係何浩文、胡然、徐冬冬，定係王子涵？