【潘燦良讚有天份】新劇同蝦頭有婚外情 林海峰唔使咀嘴好安心
短暫的婚姻楊詩敏林海峰潘燦良
潘燦良、林海峰(Jan)、楊詩敏(蝦頭)同禤思敏今日喺新蒲崗為下月公演嘅舞台劇《短暫的婚姻》綵排,Jan喺劇中同蝦頭有婚外情:「原本我睇電視劇個角色好多接吻場口,好期待,點知劇本又失望,後來知道對手係蝦頭好安心。」
Jan話角色同現實嘅自己好唔同,講到佢有3次舞台劇經驗,Jan就笑住澄清:「係4次,我幼稚園嗰陣做過牧羊人o架,每次做舞台劇都令我好減壓,好似上補習班咁,仲有學費收。」
潘燦良大讚Jan有舞台劇天份:「之前睇佢做《笑之大學》,雖然佢唔係學院派,但佢嘅演出有artist嘅能力,我好驚訝,好出色。嗰時我都即刻叫阿蘇(蘇玉華)去睇,今次知道同佢合作好開心,可惜只得一場對手戲有啲遺憾。」Jan即回禮大讚潘燦良演技都好出色。
潘燦良仲話呢個劇係唔喊嘅悲慘:「都好heavy,但慘唔一定要喊。呢個劇係講4個人物,喺婚姻入面唔同嘅身份去面對情況,係探討人點面對婚姻嘅過程。」
精選娛聞,喺晒《娛果》
http://fb.com/appledailyent
林海峰話最初收到劇本好失望,不過知道對手係蝦頭嗰陣就好安心
(左起)蝦頭、潘燦良、林海峰同禤思敏今日為舞台劇進行綵排