巫斯義策「精彩鬥士」單研訊，因為佢企硬唔認罪，要押後到周三(14號)早上九點繼續審，有位朋友就要陪巫斯義一齊「玩」，所講嘅係馬會大董范徐麗泰；於「精彩鬥士」事發當日，范太擔任監場董事，做得呢份公職，研訊一日未完，一日都仲要列席，周三又唔知要搞幾耐，影響到范太焗住「罰留堂」。
不過咁，周三晚上范太隻「自成一格」會出賽，反正都要入場，咪當早少少嚟囉！以往呢匹馬跑1650米最準，今期明明有四班1650米遺材賽，但偏偏就走去初跑1800米，同父馬係2400米昆士蘭橡樹盟主，血統有長力。但點都好，范太辛苦咗兩日，到時贏到，咁就乜都補番數啦！