【基本功學起】55歲安東尼奧重返校園讀時裝設計
twitter安東尼奧班達拉斯AntonioBanderas中央聖馬丁藝術與設計學院活到老學到老重返校園Stmartins
55歲嘅安東尼奧近日去咗中央聖馬丁藝術與設計學院讀時裝設計
正所謂活到老學到老,日前報導過一位67歲婆婆忍痛學芭蕾舞,原來現年55歲嘅西班牙男星安東尼奧班達拉斯(AntonioBanderas),最近都暫時放下演藝事業,重返校園讀時裝設計。
安東尼奧日前喺twitter上載咗上堂嘅照片,並留言話:「喺中央聖馬丁藝術與設計學院(CentralSaintMartins)學習第二周已展開了,集緊湊、興奮、嚴肅及好玩於一身。」
該學院喺英國數一數二,學院發言人表示安東尼奧要由頭學起,目前要學度身剪裁嘅基本功。安東尼奧話對重回校園呢個決定已經考慮咗好耐,手掙放在枱上嘅感覺令他重拾年輕。