【口大食住對方】老公許志安好唔好咀? 鄭秀文︰好悶呀!
何超蓮鄭秀文周柏豪
鄭秀文(Sammi)、周柏豪同何超蓮今日喺銅鑼灣出席Givenchy唇膏活動,Sammi笑言滿意自己唇形,佢話:「幾好,唔算太臘腸,又唔太薄,但自己傾向鍾意唇厚厚哋,我覺得舒淇嘅嘴唇都幾靚。」Sammi又笑話唇形會影響接吻質素,佢話:「口大著數啲,可以食住對方,若然唇薄就冇呢種口感。」
Sammi自認係「唇膏控」,屋企有過百支唇膏,多到連喺屋企冇嘢做都會搽唇膏,Sammi又話對接吻有經驗,問到邊個男星最好咀?佢笑話:「唔記得嘞,做得男星嘅相信都好好咀。」老公許志安係咪最好咀?Sammi話:「又問老公?好悶呀,就恰著。」咁老公有冇讚你唇形?佢話:「冇特別讚,但相信唔敢嫌棄。」提到佢之前拍廣告時大讚柏豪肌肉好靚,Sammi就話自己偏好肌肉,仲話鍾意男士肌肉恰到好處就最好,但就唔敢亂摸。
另外,何超蓮自言鍾意素顏,開咗牛肉麵店做咗老闆娘,為要賣廣告,今日仲拉埋柏豪落水,柏豪望住超蓮話欣賞女仔化妝,亦欣賞做生意嘅女仔,又自爆已幫襯超蓮嘅麵店,讚佢叻女兼會落手落腳。問到柏豪會唔會介紹男仔畀超蓮?柏豪笑話:「唔會,以超蓮嘅條件,介紹男仔畀佢簡直係侮辱,如果佢肯拍拖肯定忙過冇拖拍,佢好多荀盤。」超蓮又話現階段專注事業。
精選娛聞,喺晒《娛果》
http://fb.com/appledailyent