因批評佔中被除名高登女神的吳若希，昨日有報道傳其35歲緋聞男友「籃神」劉子健涉向14歲女學生裸聊，拍攝自瀆片並自誇「我好大」，事件震驚球圈，其所屬南華籃球隊昨發聲明，自揭因兩名甲一球員劉子健及陳翊麟的負面消息，為減低事件對球隊影響，即時暫停兩人的球員身份及一切代表南華相關之職務。
昨本報致電吳若希了解，她劃清界線否認拍拖：「由始至終都唔係。」問劉子健是否追求她？吳若希重複說：「冇呀冇呀冇呀冇呀，之前一齊健身做運動，同一班人一齊做，冇話好friend，唔係好方便回答。」問有否收過劉子健的自瀆片？她再連聲說：「我冇呀冇呀冇呀，我哋自從之前俾人影到，再冇好多聯絡。」
問到若有朋友向14歲女生傳自瀆片，她會否跟其絕交？吳若希說：「哎……呢個行為唔係咁好囉，我唔知點答，因為我未知發生乜嘢事。」記者謂南華發聲明暫停其球員身份，吳若希聞言說：「係咩，咁如果南華都了解中，我都要了解吓先，但冇可能咁樣去問佢，好尷尬喎。」問到覺得他為人如何？吳若希說：「正常，因為我認識嘅佢就係斯文怕醜囉。」

糖妹：我唔識佢㗎

記者致電劉子健求證，但至截稿前沒回覆，至於他的instgram關注糖妹、陳嘉桓、蔡卓妍等女星，糖妹昨接受電話訪問說：「我唔識佢㗎，但細個打籃球知佢邊個，所以之前有follow佢，因為係童年回憶。件事唔知真假，網絡世界捏造得好快，公眾人物要珍惜自己事業，因為係年青人榜樣，不過之前同吳若希傾偈，佢話自己單身，佢咁講我咁聽。」
採訪：皓騫