【本報訊】入股只一年，林炳昌即踢走涉及可疑交易的原任銘源（233）董事會，他認為全仗自己熟悉法律，但過程依然氣上心頭，提出4大建議促聯交所改善。
林回想，以股東身份與聯交所交涉，「雖然最後成功咗，但過程都係好艱辛。」投訴乏人跟進，「話保密，保密到連投訴人都唔知處理成點。」建議聯交所應仿傚公營機構訂下服務承諾。

增加追討失款難度

作為前廉署調查人員，他認為聯交所處理危機反應太慢，令證據被破壞，「你見到核數師辭職、話唔見咗4億，仲唔係一個危機？反應唔夠快，文件好容易冇咗！」新董事局接手公司，發現文件散亂、電腦遭毀壞「並不愕然，預咗」，但追討失款更難。
若果股份已停牌，當局「調查工作更加會放慢，好似覺得責任少咗」，關鍵或在於人手並無與上市公司數目按比例增加，未能適時跟進突發事件。
說到興起，他慨嘆問題「絕對係中港矛盾」，「國內人士對虛假國家文件好重視，但虛假私人文件，You are welcome咁滯，總之唔好爆煲，整咩文件都接受，呢方面係好大的文化差異。」監管機構對中資公司「一係你唔好畀佢嚟，畀得佢嚟，必需要有全盤的保障計劃」。
他表示無意與聯交所「搞對抗」，上述建議全屬善意。