熱刺將會喺周六作客韋斯咸，而領隊普捷天奴為咗進一步激勵軍心，佢周三更用私己錢請晒職球員去高級餐廳THE BEAST鋸扒飲紅酒，而嗰餐飯更足足使咗成7000鎊（約7萬港元）。普捷天奴似乎一啲都唔肉赤，仲好自豪咁話「呢個亦係戰術嘅一部份！」相信一班球員飲飽食醉之後，一定會充滿力量，一舉打敗韋斯咸!

普捷天奴話：「成餐飯都係我請嘅，而戰術唔單止可以喺球場發生，出咗球場亦都可以，請食飯亦都係戰術之一！如果想球隊有好表現，我地必須要更了解大家。呢個機會好難得，因為我地成日都忙住踢波同訓練。」佢最尾仲好抵死咁話「冇，我當然冇帶佢地去老麥食飯！」