當年今日
關於我們

【短片】【越老越型定頹?】陳冠希IG貼近照盡現老態瓊姐狂踩

蘋果日報 2015/02/21 06:00

蘋果陳冠希高登瓊姐天后男人即時慈雲山IG近照老態歲月不饒人鄭列瓊

好多時都聽過有人話男人越老就會越型,好似陳冠希(Edison)呢啲型男後生時不得了,老咗斷估仲會多咗男人味,不過近年Edison似乎疲態畢露,影親近照好多人都話佢殘咗好多好多。

今日佢喺另一個IG戶口貼上大頭近照,雖然靚仔嘅輪廓仲喺度,但相入面嘅佢無論神情同精神狀態都好叔伯feel,難怪高登瓊姐喺自己fb狂踩佢:「歲月不饒人,想當年佢既(嘅)靚相陪住大家成長,一代男神陳冠希貼左張近照上instagram,嘩!幾摺眼袋,龜裂眼紋,又成面墨屎。人地(哋)話男人越老越型,呢句說話應該apply唔到落佢身上。」

網民亦都唔留情,留言話:「相反謝霆鋒愈老愈型」、「得34歲就已經變到咁」、「好污糟的感覺...」、「人愈靚愈亮愈快老快殘!」