今日港姐，現今嘅香港，2017年大台選港姐棄用全民投票，「還原基本步」，只係由8位評判投票，決定賽果。有網民問點解大台搵評判唔用單數，咁Do姐就唔使好似街市買菜咁，多兩票去投邊個成為冠軍，令人覺得港姐選舉有啲兒戲，唔少網民批評似「造馬」，本來係有10個評判，有2位係呢兩位佳麗導師，唔可以投票。

1號何依婷本身4:3領先一票，結果Do姐投一票俾5號雷莊𠒇，變成4:4。咁選港姐唔同玩獎門人節目，唔可以4:4打和……

Do姐原來多一票喺手，令5號成為冠軍，有睇直播嘅網民寫道：「終極二揀一，1號以為自己做冠軍。冇啦，最後Do姐感覺到。最後抱抱其他佳麗冇理佢就知啦，估計1號都係人緣差，冇計冇得再揀，惟有揀5號」。

網民插爆「小圈子選舉」體現香港精神，對賽果不滿，仲要小圈子到得Do姐去決定。TVB今次咁擺Do姐出嚟，似乎有啲靠害。

有網民留言：「完全覺得今屆港姐係行政長官選舉嘅寫照。Do姐投票＝中共、其他星級評審團＝特首選委會成員、5號冠軍佳麗＝林鄭、8號大熱佳麗＝曾俊華、1號/9號佳麗＝胡國興。」網民睇晒全晚就覺得評判宣萱同陳凱琳嘅投票顯得中肯好多。

另有網民批評呢一屆係近年最劣質三甲，為當年被封「豬扒港姐」張嘉兒平反，新鮮出爐港姐冠軍雷莊𠒇