現年29歲嘅日本女星木下優樹菜過去曾自爆26次考車牌失敗，近日佢公開拎住車牌嘅新照，宣佈終於考牌成功。

其實今次係木下優樹菜相隔11年再次嘗試考車牌，佢話要喺照顧小朋友同工作以外嘅時間溫習，更自知自己唔聰明，所以每晚o氹咗小朋友瞓覺後，都溫書溫到好夜，終於能夠順利考牌。

而有日本傳媒就總結唔少日本女星都要起碼考10次先可以成功考牌，當中松浦亞彌都考過17次，後藤真希同安倍夏美都分別考咗9次同11次先至合格。