【又一巨星襲港】天后Katy Perry下年3月將於亞博開騷
演唱會Katy PerryWITNESS:The Tour
Katy Perry嘅「WITNESS:The Tour」極受歡迎。
又一巨星襲港!繼Bruno Mars之後,下年將再有一樂壇巨星來港,講緊嘅係天后Katy Perry!有關方面啱啱公佈Katy將會帶同佢嘅「WITNESS:The Tour」嚟到亞洲,香港就會係佢亞洲之旅嘅第二站。其他地點仲包括東京、台北、新加坡、曼谷同雅加達。而香港站就將會於3月30號於亞洲國際博覽館舉行,票價包括$1,888 / 1,688 / 1,288 / 988 / 788 / 588,粉絲記得留意。
其實Katy Perry原定係今年月中Victoria's Secret內衣騷表演嘉賓,但最終不獲大陸批出簽証,官方回覆指係佢2015年於台北著上太陽花舞台裝、披上中華民國國旗,支持「太陽花運動」,事後傳出遭中國無限期封殺,即使佢曾向內地政府寫信示好,表明會乖乖守法依然被禁。今次佢就轉去香港同台灣開騷,冇中國份。