柯議員仲拎起個唔知放咗幾耐嘅口罩，向在場人士表演「戴口罩」，但係柯議員望住個口罩，由藍色外層，轉向白色內層，再轉翻去藍色外層，掛起一邊耳仔之後，個口罩又彈返開，搞咗差不多10秒，按緊埋條金屬條，終於戴到個口罩，但可惜始終都係戴錯咗，將白色內層向外，藍色外層向內。

唔怪得知，陳肇始雖然無即場糾正柯議員，不過之後回應其他議員提問時，陳肇始就忍唔住講句：「我希望市民戴口罩，但如果唔正確咁戴，或者隻手周圍摸地方，都有機會傳染。」睇嚟要避免感染肺炎，最實質嘅做法都係返去學吓點戴口罩。